Skip to Content

RAG

RAG

PREASSADIEĐÁHUS: Jon-Christer Mudenia virgáduvvon Árjja sámediggejoavkku čállin

PREASSADIEĐÁHUS: Jon-Christer Mudenia virgáduvvon Árjja sámediggejoavkku čállin

Closed

Árjja sámediggejoavku lea virgádan Deatnulačča Jon-Christer Mudenia sámediggejoavkku čállin. Mudenia lea fargga 20 jagi boaris, son lea maid okta dain njeallji Ofelaččain Norggábeale sámis. Son lea Sámedikki nuoraidpolitihkalaš lávdegotti várreláhttu, ja lea maid leamaš nuoraidpolitihkalaš organisašuvnnas Noereh!’is fárus. Mudenia álggi virgái njukčamánu 1. beaivvi 2015.

Árjja joavkojođiheaddji Laila Susanne Vars lea hui ilus go lea nannen Árjja sámediggejoavkku ovtta nuorra čeahpes politihkkáriin.

-Vaikko Jon-Christer leage nuorra, de lea son juo guhká bargan nuoraidpolitihkalaš áššiiguin. Son bargá buori barggu Ofelažžan, son lea čeahpes politihkkár ja lea buorre go son dál veahkehišgoahtá min Árjja sámediggejoavkkus min bargguin go mii ráhkkanišgoahtit dál boahtte sámediggeválggaide 2017:s, dadjá Árjja joavkojođiheaddji Laila Susanne Vars preassadieđáhusas.

Árjja sámediggejoavkkus 2013-2017 leat njeallje áirasa válljejuvvon golmmá válgabirrasis. Mudenia galga bargagoahtit Árja sámediggejoavkku čálliin, muhto galgá maid bargat Árja ođđa neahttasiidduin ja leat fárus nannemin Árjja nuoraidpolitihkka.

Preassagovat: Árja joavkojođiheaddji Laila Susanne Vars ja Jon-Christer Mudenia. Govva: Árja
Govva Jon-Christer Mudenias. Govva: Sámi allaskuvla

Pressekontakter:

Parlametáralaš jođiheaddji Árjja sámediggejoavkkus, Laila Susanne Vars, mobil: 900 30 998

Árjas joavkočálli: Jon-Christer Mudenia: 917 31 013

   Valerius Hildonen-Nilsen 23/03/2015 09:04:00
Previous
Next
Hopp til verktøylinje